AQSh 2022 yildan beri birinchi marta BMTda Rossiyaga qarshi tuzatmaga ovoz bermadi — “Strana”

Nashr ma’lumotlariga ko‘ra, BMT Bosh Assambleyasining qo‘mitasi Rossiya tomonidan ilgari surilgan “Nasizmni, neonasizmni, shuningdek, irqchilik, irqiy diskriminasiya, ksenofobiya va ularga bog‘liq holatlarning zamonaviy shakllarini kuchaytiruvchi boshqa amaliyotlarga qarshi kurash” rezolyusiyasini ma’qulladi.

2022 yildan buyon G‘arb davlatlari hujjatga tuzatish kiritib keladi. Ularga ko‘ra, Moskva Ukrainaga bostirib kirishni “neonasizmni yo‘q qilishning soxta bahonasi” bilan oqlaydi. Endi esa AQSh birinchi marta bu tuzatishni qo‘llamadi.