Apple mart oyining oxirgi uch kunida Hindistondan AQShga iPhone va boshqa gadjetlar ortilgan beshta samolyot jo‘natdi. Bu orqali kompaniya import tariflarining joriy etilishidan oldin o‘z zaxiralarini ko‘paytirishga intildi.
Bu haqda The Times of India gazetasi Hindistonning yuqori lavozimli davlat amaldoriga asoslanib xabar bermoqda.
Gazetaning manbalari shuningdek, Apple Xitoydan ham qurilmalarni faol ravishda xarid qilganini ma’lum qildi. Ular: "Hindiston, Xitoy va boshqa asosiy hududlardagi zavodlar tariflar oshishini kutib, AQShga mahsulot yetkazib berdi," deb aytishmoqda.
Manbalarning aytishicha, iPhone va boshqa gadjetlar zaxirasini ko‘paytirish kompaniyaga ma’lum vaqtgacha ularning narxini oshirmasdan turishga imkon beradi. Rosenblatt Securities investisiya kompaniyasining hisob-kitoblariga ko‘ra, agar Apple bu qo‘shimcha xarajatlarni to‘liq xaridorlar zimmasiga yuklasa, bojlarning oshishi tufayli AQShda iPhone narxlari 43 foizga ko‘tarilishi mumkin.
“Tez orada Xudoning yordami bilan — bu butun Isroil yurti bo‘ladi”
Rubl dunyoning barcha valyutalarini ortda qoldirdi
Van Damm Putinga murojaat qildi
