Angliyalik agent o‘zbekistonlik futbolchining Kosovo klubi transfer qilinishi haqida ma’lumot berdi

Angliyalik jurnalist va insayder Rudi Galetti o‘zbekistonlik 25 yoshli himoyachi Abdug‘ani Kamolovning Kosovoning «Ferizay» klubiga o‘tganini tasdiqladi.

«Eksklyuziv. Abdug‘ani Kamolov Kosovo Superligasida ishtirok etuvchi "Ferizay" klubi bilan shartnoma imzoladi. U "Bishkek Siti" jamoasidan o‘tib, 2027 yil iyunigacha mo‘ljallangan bitimga imzo chekdi.

Chap qanot himoyachisi, shuningdek, Kosovoda to‘p suradigan tarixdagi birinchi o‘zbek futbolchisiga aylandi», — deb yozdi jurnalist.

Avvalroq Kamolov Qirg‘izistonda «Abdish-Ata» va «Bishkek Siti» jamoalari sharafini himoya qilgan. Joriy mavsumda o‘zbekistonlik futbolchi 25 ta uchrashuvda maydonga tushib, 1 ta gol urdi va 5 ta golli uzatma amalga oshirdi.