Bosh prokuratura huzuridagi Departamentning Andijon viloyat boshqarmasi tomonidan tadbirkorlik sub’ektlarining huquqlarini himoya qilish yuzasidan o‘tkazilgan tezkor tadbirda, “T.” MCHJ rahbari M.A., viloyat Iqtisodiy sudning qaroriga asosan “T.”MCHJ hisobidan “I” MCHJ foydasiga undirilishi lozim bo‘lgan 184 mln so‘mni o‘tkazib berish evaziga “I” MCHJ rahbaridan 5 000 AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 192-9-moddasi (tijoratda pora evaziga og‘dirib olish) bilan jinoyat ishi qo‘zg‘atilib, tergov harakatlari o‘tkazilmoqda.
