Ijtimoiy tarmoqlarda Andijonda Matiz avtomobilining yonib ketganligi aks etgan video tarqalgan edi. Holat yuzasidan Andijon viloyati YHXB Axborot xizmati rasmiy izoh berdi.
Ma’lum bo‘lishicha, mazkur holat bugun, 30 sentyabr kuni soat 16:00 atrofida Andijon shahar A.Temur ko‘chasida sodir bo‘lgan. Unda B.S. boshqaruvidagi Matiz transport vositasi elektr simlari qisqa tutashuv natijasida to‘xtab turgan joyida yonib ketgan.
Natijada Matiz transport vositasi old qismi to‘liq yonib ketgan.
Tan jarohati olganlar yo‘q,- deyiladi xabarda.
