Andijon viloyati Favqulodda vaziyatlar boshqarmasi va uning shahar, tuman bo‘limlari hamda Yong‘in-qutqaruv otryadlarining yosh harbiy xizmatchi va xizmatchilari o‘rtasida “Eng yaxshi yosh kitobxon” ko‘rik-tanlovining viloyat bosqichi o‘tkazildi. Mazkur tanlovda ishtirokchilar 3 ta bosqichda o‘z bilim salohiyatlarini namoyon etdilar.
Yakuniy natijalarga ko‘ra Jalaquduq tumani FV bo‘limi qutqaruvchisi xizmatchi Obidjon Asqaraliyev g‘oliblikni qo‘lga kiritib, tanlovning Respublika bosqichiga yo‘llanmani qo‘lga kiritdi. G‘olib va sovrindorlar tashkilotchilar tomonidan “Tashakkurnoma” va boshqarma boshlig‘ining esdalik sovg‘alari bilan taqdirlandi.
