Andijonda dori vositalarining noqonuniy savdosi bilan shug‘ullanib kelgan shaxs ushlandi

Bosh prokuratura huzuridagi Departamentning Shahrixon tumani bo‘limi, DXX va IIB xodimlari hamkorligida Baliqchi tumani, “Avesto” MFY hududida o‘tkazilgan tezkor tadbirda fuqaro D.J.ning “Cobalt” rusumli avtomashinasi to‘xtatilib ko‘zdan kechirilganda avtomashina saloni va yuk xonasida fuqaro X.Z.ga tegishli sifatini tasdiqlovchi hujjatlari bo‘lmagan turli nomdagi umumiy bahosi 153,3 mln so‘mlik 4 300 dona dori vositalarini Namangan shahriga sotish uchun olib ketayotganligi aniqlanib, tezkor tadbir davomida uning uyidan yana 5 520 dona dori vositalari ashyoviy dalil sifatida olingan.

Mazkur holat yuzasidan Jinoyat Kodeksining 186-3-moddasi (sifatsiz yoki qalbakilashtirilgan dori vositalarini yoxud tibbiy buyumlarni o‘tkazish maqsadida ishlab chiqarish, tayyorlash, olish, saqlash, tashish yoki o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.