Europa Clipper kosmik kemasi Yupiter sun’iy yo‘ldoshi - Yevropada yashash uchun qulay sharoitlar bor-yo‘qligini o‘rganish uchun koinotga yo‘l oldi, deb xabar qildi NASA matbuot xizmati.
Zond SpaceX kompaniyasining Falcon Heavy og‘ir raketa tashuvchisi yordamida uchirildi. Europa Clipper Florida shtatidagi Kanaveral burnidagi Kennedi kosmik markazining 39A uchirish majmuasidan AQShning Sharqiy sohili vaqti bilan soat 12:06 da uchib ketdi.
Qurilma 2030 yil aprel oyida Yupiter orbitasiga chiqish uchun taxminan 2,9 milliard km masofani bosib o‘tishi kerak. Kosmik kema Yevropa bo‘ylab o‘zining ilmiy parvozlarini 2031 yilda amalga oshira boshlaydi. Zond, NASA ta’kidlashicha, agentlik Yupiterga yuborgan eng murakkab ilmiy asboblar to‘plami, jumladan, radarlar, kameralar, issiqlikni o‘lchash asboblari bilan jihozlangan.
Europa Clipperning uchta asosiy ilmiy maqsadi yo‘ldoshning muz qobig‘i qalinligini aniqlash, muz osti okeanining tarkibi va geologiyasini o‘rganishdir. "Agar missiya Yevropaning yashashga yaroqliligini aniqlasa, bu bizning Quyosh tizimimizda va undan tashqarida yashashga yaroqli dunyolar taxmin qilinganidan ko‘ra ko‘proq ekanligini anglatishi mumkin," - deyiladi xabarda.
Evropa - Yupiterning sayyoradan uzoqligi bo‘yicha oltinchi yo‘ldoshidir.
Qozog‘iston Rossiya, Xitoy, Turkiya va Markaziy Osiyo davlatlarini ortda qoldirdi
Ukraina beshta shaharni yo‘qotish xavfi ostida
Rossiya qoralandi
