AQSh prezidenti Donald Tramp yettita mustaqil federal agentlikni tugatishga qaratilgan farmonni imzoladi. Bu qadam uning hukumat xodimlarini qisqartirish bo‘yicha keng qamrovli kampaniyasining bir qismi hisoblanadi, deya xabar bermoqda The New York Times.
Farmon yettita agentlikning xodimlari sonini va vazifalarini sezilarli darajada qisqartirishni ko‘zda tutadi. Ular orasida AQSh Global media agentligi ham bor. Ushbu agentlik "Amerika ovozi" va "Ozodlik radiosi" kabi taniqli ommaviy axborot vositalarini moliyalashtiradi.
Bundan tashqari, farmonda AQShning Uysizlik muammolari bo‘yicha idoralararo kengashi, Kamsonli millatlar biznesini rivojlantirish agentligi va AQShdagi muzeylar hamda kutubxonalar uchun federal moliyalashtirishning asosiy manbai bo‘lgan Muzey va kutubxona xizmatlari instituti kabi muassasalar ham tilga olingan.
Gazetaning xabar berishicha, Tramp mazkur agentliklar rahbarlariga ularning faoliyatini va xodimlar sonini minimal darajagacha qisqartirishni topshirgan. Bu prezident vakolatlarining "chegaralarini sinash" yo‘lidagi qadamlardan biri bo‘lishi mumkin.
Ushbu farmon keng jamoatchilik e’tiboriga tushdi, chunki tugatilayotgan idoralarning ayrimlari mamlakatdagi demokratik jarayonlar va madaniy muassasalarni qo‘llab-quvvatlashda muhim o‘rin tutgan edi.
Bundan tashqari, Tramp tanqidiy fikrlovchi ommaviy axborot vositalari qonundan tashqari deb e’lon qilinishi kerakligini aytib, "uning faoliyatini tanqid qiluvchi OAVlarda tartib o‘rnatish zarurligi"ni ta’kidladi.
Putinga Ukrainadan "qo‘ng‘iroq qilishdi"
Ikkilanmay zarba beramiz: AQSh Rossiyaga ochiq tahdid qildi!
Xitoy Avstraliyani o‘rab oldi
