Alisher Usmonov Xalqaro qilichbozlik federasiyasi prezidentligiga nomzod. Bu haqda federasiya saytida xabar berilgan.
Saylovlar bo‘lib o‘tadigan FIE Kongressi 30 noyabr kuni Toshkentda bo‘lib o‘tadi. Usmonovning saylovdagi raqibi shvesiyalik Otto Drakenberg bo‘ladi.
FIE hujjatiga ko‘ra, Usmonov nomzodini 103 ta milliy federasiya, Drakenbergni esa faqat Shvesiya tomoni qo‘llab-quvvatlagan.
Ma’lumot o‘rnida, Alisher Usmonov 2008 yilda Xalqaro qilichbozlik federasiyasi postiga kelgan. 2022 yilning mart oyida u Yevropa Ittifoqi sanksiyalari tufayli o‘z vazifalarini to‘xtatgandi.
