Alabama AQSh tarixidagi ikkinchi azot qatlini amalga oshirdi

Alabama shtatida bu usul tanqid qilinganiga qaramay, AQSh tarixida azot yordamida ikkinchi qatlni amalga oshirdi.

Bu haqda hukm ijrosini kuzatgan Associated Press agentligi xabar berdi.

AQSh fuqarosi, 59 yoshli Alan Yudjin Miller qatl etildi. U 1999 yilda uch kishining qotilligi uchun o‘limga hukm qilingan. Uning so‘nggi so‘zlari: "Men bu yerga kelish uchun hech narsa qilmadim", deb xabar beradi agentlik.

Qatl paytida azot nafas olish niqobi orqali mahkumga chiqariladi, bu gipoksiya va oxir-oqibat o‘limga olib keladi. Alabama shtati 2022 yilda Millerga nisbatan o‘lim jazosini ijro etishga urinib ko‘rdi, ammo keyin shifokorlar unga o‘limga olib keladigan ukol qila olmadilar.

Eslatib o‘tamiz, yanvar oyida Alabama shtatida 1988 yilda buyurtma asosida qotillikni sodir etganlikda ayblangan 58 yoshli Kennet Yudjin Smit azot gazi bilan qatl etilgan edi. O‘shanda BMT va Yevropa Ittifoqi bu qatl usulini tanqid qilgan va demokratlar nazoratidagi Oq uy Respublikachilar shtatidagi qatldan "chuqur xavotir" bildirgan.