"Al-Hilol" rahbariyati "Manchester Siti"ni mag‘lub etgan futbolchilarga qanchadan pul bergani ma’lum bo‘ldi

Klublar o‘rtasidagi jahon chempionati 1/8 finalida "Manchester Siti" ustidan qozonilgan g‘alabadan so‘ng (4:3 qo‘shimcha vaqt) "Al-Hilol" futbolchilari 2 million saudiya riyoli (taxminan 452 ming yevrodan) olishdi, deb xabar berdi Asharq Al-Awsat nashri jurnalisti Ahmad Al-Qarni.

Avvalroq "Al-Hilol" o‘yindan keyin kiyinish xonasida prezident Fahad bin Nafelni tabriklagani aks etgan videoni e’lon qilgandi.

Saudiya klubi klublar o‘rtasidagi jahon chempionatining chorak finaliga chiqdi va u yerda "Fluminense"ga qarshi bahs olib boradi. Uchrashuv 4 iyul kuni bo‘lib o‘tadi.