2024/2025-o‘quv yili uchun respublika oliy ta’lim muassasalari tasarrufidagi akademik liseylarga kirish imtihonlarining yakuniy natijalari (mandat) e’lon qilindi.
Bu haqda Oliy ta’lim, fan va innovasiyalar vazirligi xabar berdi.
Qayd etilishicha, yakuniy natijalarni vazirlikning my.edu.uz rasmiy veb-saytidan "Shaxsiy kabinet"ga kirish orqali bilish mumkin.
Eslatma: O‘quvchi to‘plagan bali asosida ustuvorlik bo‘yicha tanlagan akademik liseyga o‘qishga qabul qilinadi.
Ma’lumot uchun, belgilangan tartibga muvofiq, kirish test sinovi natijasidan norozi bo‘lgan o‘quvchilar yakuniy natijalar e’lon qilingan kundan boshlab uch ish kuni ichida my.edu.uz orqali elektron shaklda (shaxsiy kabinetidan) apellyasiya shikoyatini berish huquqiga ega, — deyiladi xabarda.
