Aichi–Nagoya-2026: O‘zbekiston delegasiyasi 11-kunni 9 ta medal bilan yakunladi

Aichi–Nagoya-2026 Osiyo o‘yinlarining 11-kunida O‘zbekiston delegasiyasi hisobiga 2 ta oltin, 2 ta kumush va 5 ta bronza medali qo‘shildi.

Oltin medallarga dzyudo bo‘yicha -52 kg vazn toifasida Sita Qadamboyeva hamda yunon-rum kurashida -67 kg vazn toifasida Aytjan Xalmaxanov sazovor bo‘ldi.

Dzyudochi Abdurahim Nutfullayev (-66 kg) va yunon-rum kurashi vakili Rafael Sitsuashvili (-130 kg) kumush medalni qo‘lga kiritdi.

Bronza medallari esa boksda Feruza Kazakova (-51 kg), Sitora Turdibekova (-60 kg) va Shavkatjon Boltayev (-70 kg), dzyudoda Samariddin Qo‘chqorov (-60 kg) hamda yunon-rum kurashida Jalg‘asbay Berdimurodov (-87 kg) hisobiga yozildi.

Shu tariqa, O‘zbekiston delegasiyasi Osiyo o‘yinlarida jami 54 ta medal jamg‘ardi: 16 ta oltin, 19 ta kumush va 19 ta bronza.

Umujamoa hisobida O‘zbekiston 4-o‘rinda bormoqda.

OLTIN

— Sita Qadamboyeva
Dzyudo | -52 kg

— Aytjan Xalmaxanov
Yunon-rum kurashi | -67 kg

KUMUSh

— Abdurahim Nuftullayev
Dzyudo | -66 kg

— Rafael Sitsuashvili
Yunon-rum kurashi | -130 kg

BRONZA

— Feruza Kazakova
Boks | -51 kg

— Sitora Turdibekova
Boks | -60 kg

— Shavkatjon Boltayev
Boks | -70 kg

— Samariddin Qo‘chqorov
Dzyudo | -60 kg

— Jalg‘asbay Berdimuratov
Yunon-rum kurashi | -87 kg