Afg‘onistonning Nangarhor provinsiyasida o‘zini «Tolibon»dan deb tanishtirgan erkaklar musiqa tinglayotgan to‘y mehmonlariga qarata o‘t ochdi. Bu haqda «Vesti.ru» xabar berdi.
Keltirilishicha, Afg‘oniston madaniyat vaziri o‘rinbosari hujumchilar faqat «Tolibon» nomini ishlatgani, aslida ularning harakatga hech qanday aloqasi yo‘qligini qayd etgan.
Afg‘onistonning sobiq birinchi vise-prezidenti Amrulloh Solih Twitter’da 13 kishi halok bo‘lganini ma’lum qilgan. Shuningdek, Pokiston rahbariyatini «Tolibon»ni afg‘on madaniyatini yo‘q qilish va uni diniy aqidaparastlik bilan almashtirish uchun qo‘llab-quvvatlashda ayblagan. «Tolibon» hujumchilaning shariat hukmi bilan jazolanishini qayd etgan.
Ma’lumot o‘rnida, «Tolibon» harakati Afg‘onistonda to‘ylarda jonli musiqani taqiqlagan, bundan tashqari, ayollar va erkaklar bayramlarni alohida zallarda nishonlashi shart deb belgilangan.
