Afg‘onistonda yashovchi sobiq polisiyachi Mir Nozir 7 nafardan iborat oilasini ochlikdan qutqarish uchun 4 yoshli qizini 590 dollarga sotishga majbur bo‘ldi.
Mir Nozir bu haqida "Times" gazetasiga bergan intervyusida aytib o‘tgan.
Uning so‘zlariga ko‘ra, farzandsizlikdan qiynalgan bir do‘kon egasi unga 20 ming afg‘on puli (taxminan 236 dollar) evaziga qizi Safiyani sotib olishni va o‘ziga do‘konida ishlashni taklif qilgan. Biroq Nozir bolani bunchalik arzon narxda sotishga rozi bo‘lmagan.
Natijada, do‘kondor 4 yoshli Safiya uchun 50 ming afg‘on puli (taxminan 590 dollar) to‘lashni taklif qilgan.
