Afg‘onistonda erkak shifokorlar bemor ayollarga nisbatan “mahram” sifatida tan olinadi

Afg‘oniston Aloqa vaziri Hamdulla Nomanining aytishicha, klinik amaliyot doirasida shifokorlarga ayollarning tanasining boshqa erkaklarga odatda taqiqlangan qismlarini ko‘rish imkonini beruvchi diniy huquq berildi.

"Men, vazir sifatida, ayol kishining yuziga qarashga haqqim yo‘q. Lekin siz, shifokorlarga, bunday huquq berilgan. Ayol kishi operasiya stolida yotganida uning barcha a’zolari sizning oldingizda bo‘ladi, hatto kiyimlarini yechishingizga ham ruxsat berilgan", — dedi vazir.

Shuningdek, Nomani shifokorlarni bu huquqni suiiste’mol qilmaslikka chaqirgan.