Afg‘onistonda akusherlik va hamshiralikka o‘qiyotgan ayollarga darslarga kelmaslik buyurildi. Shu tariqa ular ta’limni tugatish imkoniyatidan mahrum bo‘ldi. Bu haqida BBC xabar berdi.
Jurnalistlar Afg‘onistondagi 5 ta ta’lim muassalari rahbarlari bilan suhbatlashdi. Unga ko‘ra, «Tolibon» vakillari o‘quv muassasalarini yopishni va keyingi ko‘rsatmalarni kutishni buyurganini aytdi.
Ushbu xabarni Sog‘liqni saqlash vazirligining ikkita manbasi tasdiqladi.
Avvalroq, «Tolibon» ayollar kafesi faoliyatini cheklagani haqida xabar bergan edik.
