Abduqodir Husanov — klublar o‘rtasidagi jahon chempionatida o‘ynagan birinchi o‘zbekistonlik

Klublar o‘rtasidagi jahon chempionati 2-turida «Manchester Siti» «Al Ayn»ni (6:0) tor-mor etdi.

Bellashuvda Angliya klubi safida o‘zbekistonlik futbolchi Abduqodir Husanov ham maydonga tushdi va 61 daqiqa harakat qildi.

Natijada 21 yoshli himoyachi klublar o‘rtasidagi jahon chempionatida o‘ynagan birinchi o‘zbekistonlikka aylandi.

Ma’lumot uchun, «Siti» ushbu g‘alaba orqali 1/8 final yo‘llanmasini qo‘lga kiritdi. 26 iyun kuni 3-tur doirasidagi «Yuventus»ga qarshi bahsda guruh g‘olibi aniqlanadi.