Toshkent shahrida yuridik shaxslar uchun mo‘ljallangan 01 888 BBB avtoraqami 1 milliard 14 million so‘mga sotildi. Mazkur raqam savdosi avtoraqam.uzex.uz portalida onlayn o‘tkazilgan.
Kecha, 24 dekabr kuni 337 million 500 ming so‘m boshlang‘ich narx bilan savdoga qo‘yilgan avtoraqamning narxi auksion tugash vaqtiga qadar 965 million 250 ming so‘mga ko‘tarilgan. Yakunda bu avtoraqam uchun savdolar to‘xtagandagi taklif etilgan eng yuqori narx bo‘lgan.
48,7 million so‘m avtoraqam uchun komissiya to‘lovi va 33,75 million garov pulini hisobga olgan holda yakuniy qiymat 1 milliard 14 million so‘mga yetgan.
