61-Xalqaro gullar festivali: Namangan Bishkekka 500 ming dona gul sovg‘a qildi (FOTOGALEREYa)

Namanganda bo‘lib o‘tgan Xalqaro gullar festivali doirasida Bishkek shahriga 500 ming dona gul sovg‘a qilindi, deb xabar beradi Bishkek meriyasi.

Ularning so‘zlariga ko‘ra, sovg‘a Bishkek meri Emilbek Abdiqodirovning tashrifi chog‘ida qilingan.

“Gullarni 100 nafar bog‘bon ekadi, ular ham Qirg‘iziston poytaxtiga yetib boradi”, — deyiladi xabarda.

Qayd etilishicha, Bishkek shahri va Namangan shaharlari o‘rtasidagi tashrif doirasida obodonlashtirish va ko‘kalamzorlashtirish sohasida hamkorlik to‘g‘risida shartnoma imzolangan.

Hujjat doirasida tomonlar shahar va ishbilarmonlik delegasiyalarining o‘zaro almashinuviga ko‘maklashish, obodonlashtirish va ko‘kalamzorlashtirish sohasida muntazam axborot va tajriba almashishga ko‘maklashish uchun barcha imkoniyatlarni ishga soladi.

Namanganda gul bayrami 1961 yildan buyon o‘tkazib kelinmoqda. Bu yil mehmonlar ko‘z o‘ngida 60 mingdan ortiq gul turlari paydo bo‘ldi. Festivalga tayyorgarlik doirasida jami 300 turdagi 16 million dona gul ekildi.