Namangan viloyati Mingbuloq tumanida faoliyat yurituvchi «A.T.X.» MCHJ rahbari soliq hisobotida yuzaga kelgan noaniqlikni bartaraf etishda yordam so‘rab Biznes-ombudsmanga murojaat qildi.
Aniqlanishicha, 2026 yil may oyida onlayn kassa orqali chek rasmiylashtirilayotganda texnik xatoga yo‘l qo‘yilgan. 450 000 so‘mlik dizel yoqilg‘isi o‘rniga tizimga 450 000 litr deb kiritilgan. Natijada 6 milliard 750 million so‘mlik chek shakllanib, korxonaga amalda mavjud bo‘lmagan daromad va asossiz soliq majburiyatlari hisoblangan.
Tadbirkorning chekni tahrirlash bo‘yicha murojaatlari tahrirlash muddati o‘tganligi sababli rad etilgan. Shundan so‘ng Biznes-ombudsman tadbirkor manfaatini ko‘zlab Namangan tumanlararo ma’muriy sudiga ariza kiritgan.
Sud arizani to‘liq qanoatlantirib, chekni tahrirlashni rad etish bilan bog‘liq harakatlarni qonunga xilof deb topdi. Soliq qo‘mitasi va Namangan viloyati soliq boshqarmasiga noto‘g‘ri shakllantirilgan chekni tahrirlash imkoniyatini yaratish majburiyati yuklatildi.
Amaldagi tartibga ko‘ra, ilgari amalga oshirilgan hisob-kitoblarga o‘zgartirish kiritish zarur bo‘lsa, foydalanuvchi tomonidan tuzatuvchi kassa cheki shakllantirilishi mumkin.
Rossiyada bir hafta ichida kasallanganlar soni qariyb 1 millionga yetdi
Zelenskiy yomon xabar oldi
Taftish.uz tahririyati va DXX xodimlariga hukm o‘qildi!
