3 yoshdan 6 yoshgacha bolalar yod preparatlari bilan bepul ta’minlanadi

Olimlarning ta’kidlashicha, bola uchun yodning kunlik dozasini qabul qilish uchun kuniga 3,6 kg xurmo yoki 2,1 kg yong‘oq yoki 6,3 kg olma iste’mol qilinishi kerak. Demak, O‘zbekiston sharoitida yodni tashqi muhitdan olish juda qiyin. Yodni tabletkalar va yodlangan tuz orqali olish esa ancha oson.

Prezident qaroriga ko‘ra, bog‘cha yoshidagi 3 yoshdan 6 yoshgacha bolalar yod preparatlari bilan bepul ta’minlanadi.

Bolangiz davlat yoki nodavlat maktabgacha ta’lim muassasasiga qatnasa, yod mahsuloti maktabgacha ta’lim muassasasi tomonidan beriladi, qatnamasa, uni bepul olish uchun o‘zingizning oilaviy shifokoringizga murojaat qiling.