3 ta sabab: Vengriya Shvesiyaning NATOga a’zo bo‘lish taklifini rad etdi

Vengriya Shvesiyaning NATOga a’zo bo‘lish haqidagi arizasini haligacha ratifikasiya qilmadi. Mamlakat hukumati maslahatchisi Zoltan Kovach buning bir nechta sabablarini sanab o‘tdi.

Stokgolm doimiy ravishda Budapesht bilan munosabatlariga putur yetkazadi, o‘zini “boshqalardan ustun” deb biladi va g‘amxo‘rlik hamda hurmat ko‘rsatmaydi, dedi hukumat maslahatchisi.

Uning tushuntirishicha, birinchidan, Shvesiya hukumati "bir necha marta Vengriyaga zarba berishga uringan", masalan, Shvesiya Bosh vaziri Ulf Kristersson 2021 yilda Budapeshtga bosim o‘tkazish va mahalliy muxolifatni qo‘llab-quvvatlashga chaqirgan.

Ikkinchidan, Koachning so‘zlariga ko‘ra, Shvesiya ostida “axloqiy ustunlik taxti qulab tushmoqda”. U buni joriy yilning yanvar oyida Turkiya elchixonasi oldida faollar Qur’onni yoqib yuborgan harakatlar bilan bog‘ladi.

Uchinchidan, Budapesht NATOning kengayishiga qarshi emas, lekin Vengriya tomoni munosabatlardagi keskin burchaklarni yumshata olmadi va hurmat qozona olmadi, deya qayd etdi Zoltan Kovach. Bu bilan u Vengriya delegasiyasining joriy yil mart oyi boshida Stokgolmga tashrifi tasvirlangan Politiso gazetasida chop etilgan maqolaga ishora qildi. Nashrning ma’lumotiga ko‘ra, Shvesiya rasmiylari Vengriya delegasiyasining tashrifini “shantaj taktikasi” sifatida baholagan.