22 kun davomida G‘azoning shimoliy qismiga bir tomchi suv ham, non ham yetib bormadi

Isroil G‘azo sektorida bosqinchilik va qirg‘inbarot urushini boshlaganiga 388 kun bo‘ldi. 24 soat davomida G‘azo sektori, Iordan daryosining G‘arbiy sohili hamda butun Yaqin Sharq hududida sodir bo‘lgan asosiy voqealar.

▪️Bosqinchilar G‘azo markazi, Bayt-Lahia, Rafah, Jabaliya va Nusayrat lagerlariga hujum qildi. Kun davomida 53 kishi halok bo‘ldi, ulardan 46 nafari anklav shimolida.

▪️G‘azo fuqarolik mudofaasi: 22 kun davomida G‘azoning shimoliy qismiga bir tomchi suv ham, non ham yetib bormadi.

▪️Jabaliya lagerida Kassam brigadalari yana bir "Merkava-4" tankini yo‘q qildi.

▪️G‘arbiy Sohilda falastinlik Rami Natur yuk mashinasini Mossad qarorgohi yaqinidagi avtobus bekatiga borib urdi. 1 dan 5 tagacha askar halok bo‘ldi, 50 tasi yaralandi.

▪️Bosqinchilar G‘arbiy Sohildagi Xevron, Nablus, Vifleem shaharlarida 12 nafar falastinlikni hibsga oldi. Urush boshlanganidan buyon G‘arbiy Sohilda qo‘lga olingan soni 11,5 ming nafardan oshdi.

▪️Tulkarmda qarshilik jangarilari bomba o‘rnatilgan mashinani askarlar tekshirayotganda portlatib yuborishdi. Jenin shahrida jangchilar bosib olgan piyoda askarlarga qarata o‘q uzdi.

▪️Hizbulloh bir kunda bosqinchilarga qarshi 29 ta harbiy amaliyot o‘tkazdi.

▪️Livanning Ayn-Baal shahrida bosqinchilar tibbiyot markazini portlatib yubordi. 3 nafar tez tibbiy yordam xodimi vafot etdi. Nasistlar hujumi boshlanganidan beri Livanda jami 167 shifokor halok bo‘ldi.

▪️Bugun Janubiy Afrika Xalqaro sudga Isroilning genosid qilganiga oid yangi dalillarni taqdim etadi.