Katta boyliklarni kuzatuvchi Informa Connect Academy'ning yangi hisobotiga ko‘ra, SpaceX, Tesla va X ijtimoiy tarmog‘ining egasi Ilon Mask 2027 yilga borib dunyodagi birinchi trillionerga aylanishi mumkin.
Tashkilot tahlili Maskning boyligi yiliga o‘rtacha 110 foizga oshib borayotganiga asoslanadi.
Shu oy boshida akademiyaning «2024 Trillion Dollar Club» hisoboti tarqala boshlaganda Bloomberg Billionaires Index ma’lumotlariga ko‘ra, u 251 milliard dollar boyligi bilan dunyodagi eng boy odam ham edi.
Tahlillarga ko‘ra, hindistonlik tadbirkor va yirik konglomerat asoschisi Gautam Adani yillik o‘sish sur’ati 123% darajasida saqlanib qolsa, 2028 yilga borib ikkinchi trillionerga aylanishi prognoz qilinmoqda.
Indoneziyalik magnat Prajogo Pangestu va Nvidia texnologiya kompaniyasi bosh direktori Jensen Xuang, agar hozirgi tendensiyalar davom etsa, 2028 yilga kelib trillionerga aylanishi mumkin.
LVMH Moet Hennessy Louis Vuitton rahbari va qariyb 200 milliard dollarlik boyligi bilan dunyoning uchinchi eng badavlat odami Bernard Arno, shuningdek, Meta bosh direktori Mark Sukerberg 2030 yilga borib 1 trillion dollardan oshishi kutilmoqda.
O‘zbekistonga yana qorli sovuq havo kirib kelmoqda
Propan narxi tushishda davom etmoqda, benzin esa....
Saudiya Arabistoni xazina topdi, neft konlarida «oq oltin» aniqlandi
