Shimoliy Amerika qit’asi mezbonlik qiladigan JCH-2026 turniri kutilmagan muammoga duch keldi. Musobaqa tashkilotchilaridan biri bo‘lgan Meksikadagi ichki vaziyat keskinlashgani sababli, ayrim uchrashuvlar boshqa mamlakatga ko‘chirilishi mumkin.
Ma’lumotlarga ko‘ra, Meksikaning qator hududlarida yirik jinoiy guruhlar o‘rtasida qurolli to‘qnashuvlar avj olgan. Bunga mahalliy kartel yetakchilaridan birining yo‘q qilinishi sabab bo‘lgan. Vaziyatning xavotirli tomoni shundaki, ushbu guruhlar tarkibida professional harbiylar va sobiq yollanma askarlar harakat qilmoqda.
Hozirda mamlakat qurolli kuchlari va kartellar o‘rtasida haqiqiy janglar kechmoqda. Xavfsizlik nuqtayi nazaridan Meksika ichki chempionati bahslari allaqachon to‘xtatilgan.
Eng yomoni, ushbu vaziyat hamyurtlarimizning rejalariga ham ta’sir qilishi mumkin. Rejaga ko‘ra, O‘zbekiston milliy terma jamoasi guruh bosqichidagi ilk uchrashuvini Kolumbiyaga qarshi aynan Meksikaning afsonaviy «Asteka» stadionida o‘tkazishi kerak edi.
Agar vaziyat barqarorlashmasa, FIFA muxlislar va futbolchilar xavfsizligini ta’minlash maqsadida Meksikadagi o‘yinlarni AQSh yoki Kanadaga ko‘chirish masalasini ko‘rib chiqishi kutilmoqda. Hozircha xalqaro futbol tashkiloti voqealar rivojini kuzatmoqda.
Gvardiola: «Husanovni boshqa futbolchilar bilan adashtirmang...»
"Man Siti" "Barsa"ning rejalarini chippakka chiqardi!
"Barselona" Yamalga Ramazon oyida qanday yordam berishi ma’lum bo‘ldi
