Bu yil kamida o‘zbekistonlik 500 nafar mansabdor shaxs korrupsiyaga moyilligi bo‘yicha testdan o‘tadi. Tekshiruv Davlat xizmatlarini rivojlantirish agentligi tomonidan amalga oshiriladi.
Bu hozirda jamoatchilik muhokamasidan o‘tayotgan 2025 yilga mo‘ljallangan Davlat dasturida nazarda tutilgan.
Unda korrupsiyaga qarshi kurashish bo‘yicha boshqa chora-tadbirlar qatorida davlat xizmatchilari o‘rtasida “qadriyatlar tizimi”ni shakllantirish, fuqarolarning jamiyat va davlat ishlarini boshqarishdagi ishtirokini yanada kengaytirish bo‘yicha ilmiy-tadqiqot ishlari olib borilmoqda.
Korrupsiyaga qarshi kurashish agentligi direktori Akmal Burxonov davlat xizmatchilarining korrupsiyaga moyilligini tekshirish amaliyoti joriy etilganini ma’lum qildi. Unga ko‘ra, bu noqonuniy ravishda boyib ketgan yoki shu maqsadda davlat xizmatiga kirgan mansabdor shaxslarni aniqlash, shuningdek, davlat organlariga halol kadrlarni tanlash imkonini beradi.
