O‘tgan yilda “Tadbirkorlikni rivojlantirish kompaniyasi” AJ tomonidan ajratilgan moliyaviy yordam hududlar kesimida turlicha taqsimlanganini ko‘rish mumkin.
“O‘zbekiston24” telekanali e’lon qilgan ma’lumotlarga ko‘ra, eng katta moliyaviy ko‘mak Farg‘ona viloyatiga to‘g‘ri kelib, bu hududda 383 mlrd so‘mlik 2 773 ta loyiha qo‘llab-quvvatlangan. Keyingi o‘rinda Surxondaryo viloyati qayd etilgan bo‘lib, bu yerda 370 mlrd so‘m miqdorida 2 441 ta loyiha moliyalashtirilgan. Uchinchi o‘rinni Qashqadaryo viloyati egallab, hududda 323 mlrd so‘mlik 2 939 ta loyiha moliyaviy yordam olgan.
Shuningdek, kompaniya tomonidan respublikaning olis va jadal rivojlantiriladigan hududlaridagi tadbirkorlik loyihalarining alohida qo‘llab-quvvatlanayotgani ham e’tiborga molik.
Bu ko‘rsatkichlarni hududlarning iqtisodiy faolligi, aholining tadbirkorlikka jalb etilish darajasi hamda loyiha tashabbuslari soni bilan izohlash mumkin.
Hududlar kesimidagi moliyaviy yordam hajmi nafaqat resurslarning taqsimotini, balki joylardagi biznes muhitining faolligini ham aks ettiradi. Ushbu ko‘rsatkichlar kelgusida hududlar o‘rtasidagi iqtisodiy tafovutlarni tahlil qilishda muhim omil bo‘lib xizmat qiladi.
"Bu yolg‘on. Men uning gaplarini eshitdim va..."
Evropa Ukrainadan voz kechib, Rossiya bilan hamkorlik qilishga harakat qilmoqda
Polsha nashri Alisher Usmonovning singlisi muhokama etilgan Lavrov va Siyyarto o‘rtasidagi suhbat yozuvini e’lon qildi
