2025 yilda Yevropada Rossiyaga nisbat berilgan gibrid urush amaliyotlari soni 2024 yilga nisbatan kamaydi. Biroq tahlilchilar bu pasayish strategik tanaffus yoki taktika o‘zgarishi bo‘lishi mumkinligini istisno etmayapti.
France 24 tahliliga ko‘ra, josuslik, sabotaj, kiberhujumlar, ta’sir o‘tkazish amaliyotlari va suiqasd urinishlari 2022 yildan beri Yevropa davlatlarida muntazam kuzatilib kelmoqda. 2024 yilda bunday hodisalar eng yuqori cho‘qqiga chiqqan, 2025 yilda esa qariyb ikki barobarga kamaygan.
Mutaxassislar buni bir necha omil bilan izohlaydi: Yevropa razvedka xizmatlarining samaradorligi oshgani, Moskva Ukraina bo‘yicha maqsadlariga muzokaralar orqali erishishga urishayotgani yoki Kreml gibrid strategiyani qayta ko‘rib chiqayotgani.
Shu bilan birga, tahlilchilar 2026 yilda xavf qayta oshishi mumkinligini ta’kidlamoqda. Ayniqsa, Fransiya va boshqa qator Yevropa davlatlarida saylovlar yaqinlashayotgani fonida keng ko‘lamli ta’sir operasiyalari va provokasiyalar ehtimoli yuqori baholanmoqda.
Ekspertlar fikricha, Rossiyaning keyingi qadamlari Ukraina bo‘yicha AQSh va Moskva o‘rtasidagi muzokaralar natijasiga ham bog‘liq bo‘ladi.
Afrikada o‘zini "payg‘ambar" deb atayotgan shaxs qurgan kema atrofida o‘n minglab odam to‘plandi
O‘qituvchilar va tibbiyot xodimlarining oyligi 2 baravar oshiriladi
Sobiq mudofaa vaziri prezident saroyiga bostirib kirishni uyushtirgani uchun hibsga olindi
