2025 yilda AQShning Ukrainaga harbiy yordami 99 foizga qisqardi

Bu haqda Ukraine Support Tracker ma’lum qildi.

Ma’lumotlarga ko‘ra, avvalgi yillarda AQSh Ukrainaga har yili o‘rtacha 17,3 milliard yevro miqdorida harbiy hamda 13,3 milliard yevro miqdorida moliyaviy va gumanitar yordam ko‘rsatib kelgan.

2025 yilda esa atigi 0,4 milliard yevrolik bitta harbiy yordam paketi qayd etildi va yangi moliyaviy yoki gumanitar majburiyatlar e’lon qilinmadi.

Shu bilan birga, Yevropa Ittifoqi tomonidan ko‘rsatilgan yordam 67 foizga oshdi. Natijada Kiyevgs umumiy yordam hajmi avvalgi yillarga teng holatda qoldi.