2021 yil boshida eng ko‘p yuklab olingan dasturlar reytingi tuzildi

Analitik firma “Sensor Tower” 2021 yil boshida eng ko‘p yuklab olingan dasturlarning reytingini e’lon qildi.

Taqdim etilgan ma’lumotlarga ko‘ra, foydalanuvchilar ko‘proq “Telegram” messenjerini yuklab olishgan - yanvar oyida 63 million yuklab olishlar qayd etilgan. Tahlilchilar ushbu ko‘rsatkichning 2020 yilning shu davriga nisbatan to‘rt baravar yuqori ekanligini ta’kidlashmoqda.

Ikkinchi o‘rinni 62 milliondan ortiq marta yuklab olingan “TikTok” egallagan. Hukumatning ushbu ilovani taqiqlashga urinishlariga qaramay, yuklab olish ko‘rsatkichining 10 foizi AQSh auditoriyasiga to‘g‘ri kelgan.

Kuchli uchlikka “Signal” messenjeri yakun yasagan.