Evro-2024 doirasidagi Ispaniya va Fransiya terma jamoalari o‘rtasidagi o‘yinning eng yaxshi futbolchisi ma’lum bo‘ldi.
Ispaniya yarim finalda Fransiyani mag‘lub etib (2:1) turnirning ilk finalchisiga aylandi.
Lamin Yamal UYEFA tomonidan o‘yinning eng yaxshi futbolchisi sovrinini oldi. "Barselona" sharafini himoya qilayotgan 16 yoshli ispaniyalik vinger 21-daqiqada yuqori burchakka uzoq masofadan zarba berib, hisobni tenglashtirdi. Yamal Yevropa chempionatidagi eng yosh gol muallifiga aylandi.
Maydonda o‘tkazgan 89 daqiqada Yamal raqib darvozasiga uch marta zarba berdi va 9,9 km yugurib, maksimal 32,1 km/soat tezlikka erishdi.
