O‘zbekiston “Yovvoyi hayvonlarning ko‘chib yuruvchi turlarini saqlash to‘g‘risida”gi konvensiyaga konvensiya Germaniyaning Bonn shahrida imzolanganidan 19 yil va kuchga kirganidan 15 yil o‘tib, 1998-yil 1 sentyabrda qo‘shilgan.
Ayni paytda yurtimizda 2024-yil 12–17-fevral kunlari tarixiy Samarqand shahrida bo‘lib o‘tadigan Konvensiya ishtirokchilari konferensiyasining (CMS COP14) 14-yig‘ilishiga tayyorgarlik ko‘rilmoqda. Mazkur nufuzli xalqaro tadbir O‘zbekistonda ilk bora o‘tkaziladi.
Ta’kidlash joizki, mamlakatimizda ko‘plab ko‘chib yuruvchi hayvonlar, jumladan, O‘zbekiston "Qizil kitobi" va Tabiatni muhofaza qilish xalqaro ittifoqining "Qizil ro‘yxati"ga kiritilgan hayvonlar yashaydi.
