G‘azo uchun qaysi davlatlar qanday yordam bermoqchi?

19 fevral kuni Vashingtonda AQSh Prezidenti Donald Tramp tashabbusi bilan asos solingan Tinchlik kengashining dastlabki yig‘ilishi bo‘lib o‘tdi.

Yig‘ilishda qatnashgan yetakchilar G‘azo uchun o‘zlarining yordam takliflarini ma’lum qildi.

🇺🇿 O‘zbekiston: G‘azoda turar joylar, bolalar bog‘chalari, maktab va kasalxonalar barpo etishga hissa qo‘shishga tayyor.

🇺🇸 AQSH: Chegaralarda tinchlikni ta’minlash uchun 10 milliard dollar ajratishga va’da berdi.

🇦🇪 Birlashgan Arab Amirliklari: Tinchlik Kengashiga 1,2 milliard dollar ajratishga va’da berdi.

🇶🇦 Qatar: Tinchlik Kengashiga 1 milliard dollar ajratishga va’da berdi.

🇸🇦 Saudiya Arabistoni: Yaqin yillar davomida Tinchlik Kengashiga 1 milliard dollar ajratishga va’da berdi.

🇮🇩 Indoneziya: G‘azo uchun xalqaro xavfsizlik kuchlari tarkibiga 8 ming yoki undan ortiq harbiy xizmatchi ajratishga tayyor.

🇰🇿 Qozog‘iston: Kechiktirmasdan Tinchlik Kengashiga sezilarli miqdorda mablag‘ ajratishga, shuningdek, oziq-ovqat yordami paketi doirasida bug‘doy yetkazib berishga tayyor.

🇧🇭 Bahrayn: G‘azo uchun samarali davlat raqamli xizmatlari platformasini yaratish maqsadida zarur infratuzilma va mutaxassislik ko‘nikmalarini taqdim etishga tayyor.

🇪🇬 Misr: Mintaqa ichida xavfsizlikni ta’minlash uchun falastinlik polisiya xodimlarini tayyorlash bo‘yicha sa’y-harakatlarini davom ettiradi.

🇷🇴 Ruminiya: Favqulodda xizmatlar, maktablar hamda polisiya va adliya tizimi kabi institutlarni qayta tiklashda yordam berishga tayyor.

🇹🇷 Turkiya: Sog‘liqni saqlash va ta’lim sohalarini tiklashga, polisiyani tayyorlashga salmoqli hissa qo‘shishi, shuningdek Xalqaro barqarorlashtirish kuchlariga harbiylar ajratishga tayyor.

🇲🇦 Marokash: Polisiya xodimlarini yuborish va G‘azodan bo‘lgan polisiyachilarni tayyorlashga, shuningdek, harbiy dala shifoxonasini joylashtirishga tayyor.