Rossiyaning Xarkov shahriga uyushtirgan hujumi qurbonlari soni 4 nafarga yetdi

Rossiya harbiylarining Ukrainaning Xarkov shahriga raketa hujumi uyushtiri oqibati halok bo‘lganlar soni 4 nafarga yetdi.

Bu haqda shahar hokimligi rahbari Igor Terexov ma’lum qildi.

Uning so‘zlariga ko‘ra, Xarkovda 2 yanvar kuni shahar markazida raketa zarbasi sodir bo‘lgan joyda ikkinchi kundirki uzluksiz qidiruv-qutqaruv operasiyasi davom etmoqda. Bugun vayron bo‘lgan binolar vayronalari ostidan yana ikki qurbonning jasadi topildi. Terexovning so‘zlariga ko‘ra, raketa zarbasi oqibatida yaralanganlar soni hozirda 31 nafarga yetgan.

Fojia joyida qutqaruv ishlari davom etmoqda.

Polisiya ma’lumotlariga ko‘ra, vayronalar ostida yana uch kishi ko‘milishi mumkin; 2 yanvardan beri ular bilan bog‘lanmagan va bedarak yo‘qolgan deb hisoblanadi.