Tanzaniyada prezidentlik saylovlaridan keyin ommaviy norozilik namoyishlari boshlandi. Muxolifat faollar va xavfsizlik kuchlari o‘rtasidagi uch kunlik to‘qnashuvlarda 700 ga yaqin odam halok bo‘lganini da’vo qilmoqda. Bu haqda Reuters axborot agentligi xabar bermoqda.
Norozilik namoyishlari mamlakatning eng yirik shaharlari, jumladan, poytaxt Dar as-Salomga ham yoyilgan. Namoyishchilar, asosan yoshlar, muxolifatning asosiy nomzodlari diskvalifikasiya qilingani sababli ovoz berishni boykot qildi. Tanzaniya armiyasi boshlig‘ining talablariga qaramay, norozilik namoyishlari juma kuni davom etdi va polisiya va harbiylar bilan to‘qnashuvlar bilan yakunlandi.
Muxolifat partiyasi CHADEMA vakili Jon Kitokaning ta’kidlashicha, partiya chorshanba kunidan beri tibbiyot xodimlarining hisobotlariga asoslanib, 700 ga yaqin o‘limni hujjatlashtirgan.
Tanzaniya Tashqi ishlar vaziri Mahmud Kombo Sobit namoyishchilar bilan to‘qnashuvlarni alohida hodisa deb atadi va xavfsizlik kuchlarini tezkor va qat’iy javob uchun maqtadi. U mamlakatda internetning to‘liq o‘chirilishi tartibsizliklarni to‘xtatish uchun zarur chora sifatida baholadi.
Avvalroq, 29 oktyabr kuni, prezidentlik saylovlaridan keyingi norozilik namoyishlari ortidan Tanzaniyaning eng yirik shahri Dar as-Salomga qo‘shinlar kiritilgan edi.
O‘zbekistonda 4 kishilik oilaning yashashi uchun qancha mablag‘ kerakligi hisoblab chiqildi
Muhojirlar orasida birinchi: Ukrainaga qarshi urushda Rossiya armiyasi safida jang qilayotgan o‘zbeklar soni ma’lum bo‘ldi
Qaynonasining go‘shtidan manti qilib, erini ham o‘ldirgan ayolga 12 yil jazo berildi
