Zelenskiyning AQShga tashrif buyurishdan maqsadi nima?

AQShga tashrif buyurgan Ukraina prezidenti Vladimir Zelenskiy tashrif maqsadini ma’lum qildi.

Bu haqda u Telegram’dagi kanalida yozdi.

"Allaqachon Vashingtonda. Bugun mudofaa kompaniyalari vakillari bilan uchrashuvlar rejalashtirilgan va bular bizning mudofaamizni mustahkamlay oladigan kuchli qurol ishlab chiqaruvchilar. Xususan, biz havo hujumidan mudofaa tizimlarini qo‘shimcha yetkazib berish masalasini muhokama qilamiz. Shuningdek, bugun Amerika energetika kompaniyalari vakillari bilan uchrashuv bo‘lib o‘tmoqda. Hozir, Rossiya har kuni zarba berayotganda (Ukraina energetika ob’ektlariga), biz mamlakat barqarorligini ta’minlashga harakat qilmayapmiz."

Ukraina rahbari, shuningdek, ertaga AQSh prezidenti Donald Tramp bilan bo‘ladigan uchrashuvda XAMAS va Isroil o‘rtasidagi o‘t ochishni to‘xtatishga o‘xshash Rossiya-Ukraina urushini tugatish yo‘lida olg‘a siljish bo‘lishiga umid bildirdi.

"Ushbu uchrashuv Rossiyaning Ukrainaga qarshi urushini tugatishga yordam beradi. Kuch va adolat tili, albatta, Rossiya bilan ham ishlaydi. Biz Moskvaning Tomagavkalar haqida eshitgan zahoti dialogni qayta boshlashga shoshilayotganini allaqachon ko‘rib turibmiz”, — dedi Zelenskiy.