Zelenskiy: "Rossiya hujumlari tufayli Ukraina elektr energiyasini import qilishga majbur bo‘ladi"

Rossiya Qurolli kuchlarining Ukrainaning energetika ob’ektlariga hujumlaridan so‘ng, Ukraina elektr energiyasini import qilishga majbur bo‘lishi mumkin.

Bu haqda Ukraina prezidenti Vladimir Zelenskiy bugun Kiyevda Yevropa Ittifoqining tashqi ishlar va xavfsizlik siyosati bo‘yicha oliy vakili Kaja Kallas bilan qo‘shma matbuot anjumanida ma’lum qildi.

"Rossiya Qurolli Kuchlarining Ukrainaga qilgan bir yoki ikkita shunga o‘xshash hujumlaridan so‘ng, Ukraina elektr energiyasini import qilishi kerak bo‘lishi mumkin. Butun miqyosli urush davomida Kiyev qish mavsumida gaz importiga murojaat qildi. Bu yo‘nalish biz uchun hamon ochiq. Yana bir masala shundaki, Rossiya bizning gaz omborlarimiz, suv ta’minoti va energiya infratuzilmamizning muhim qismiga hujum qilmoqda”, dedi Zelenskiy.