Fizika bo‘yicha Nobel mukofoti laureatlari e’lon qilindi

Mukofot Jon Klark (Buyuk Britaniya/AQSh), Mishel Devore (Fransiya/AQSh) va Jon Martinisga (AQSh) makroskopik dunyoda kvant hodisalarini kuzatish imkonini beruvchi inqilobiy kashfiyotlari uchun beriladi.

Kashfiyotning mohiyati oddiy so‘zlar bilan aytganda: uzoq vaqt davomida kvant mexanikasi faqat juda kichik zarrachalar (elektronlar, fotonlar) uchun mavjud bo‘lgan g‘alati dunyo deb hisoblab kelingan. Laureatlar esa kvant qonunlari qo‘lda ushlab turish uchun yetarlicha katta bo‘lgan ob’ektlarda ham amal qilishini isbotladilar.

Ushbu fundamental tadqiqotlar zamonaviy kvant texnologiyalari sohasining asosi bo‘lib xizmat qildi.