AQSh Suriya hukumatini o‘zgartirish niyatida emas

Qo‘shma Shtatlar Suriyadagi hukumatni o‘zgartirish niyatida emas

Bu haqda AQShning Suriya bo‘yicha maxsus vakili va Anqaradagi elchisi Tom Barak ma’lum qildi.

Uning ta’kidlashicha, AQSh ham Suriyaga qo‘shin jo‘natish niyatida emas: “Vashingtonning ustuvor yo‘nalishi terrorizmga qarshi kurashdir”.

Diplomat, shuningdek, amaldagi prezident Ahmad al-Shaara kelajagiga ishonchini ta’kidladi.

"Men unga ishonaman. Ishonchim komilki, uning maqsadlari biznikiga mos keladi. Bu Suriyada barqarorlikni ta’minlash. Biroq turli etnik va siyosiy talablar bu jarayonni murakkablashtiradi", deb tushuntirdi siyosatchi.