Venesuela prezidenti Nikolas Maduro AQSh tomonidan qurolli hujum sodir etilgan taqdirda mamlakatda favqulodda holat joriy etish haqidagi farmonni imzoladi.
Bu haqda Bolivar respublikasi ijrochi vise-prezidenti Delsi Rodriges suverenitet va tinchlik bo‘yicha milliy kengashning diplomatik korpus vakillari bilan bo‘lib o‘tgan yig‘ilishida ma’lum qilgan. Uning so‘zlarini Venezolana de Televisión telekanali efirga uzatdi.
"Favqulodda holat e’lon qilish to‘g‘risidagi farmon respublikamizning hududiy yaxlitligi, suvereniteti, mustaqilligi va hayotiy strategik manfaatlarini himoya qilishga qaratilgan”, — dedi Rodriges.
Uning ta’kidlashicha, agar "AQSh qurolli kuchlari Venesuelaga qarshi tajovuz qilishga jur’at etsa" hujjat darhol kuchga kiradi.
Rodrigesning ta’kidlashicha, hujjat davlat rahbariga “konstitusiyada ko‘zda tutilganidek, infratuzilma, kommunal xizmatlar, neft-gaz sanoati va boshqa sohalarni zudlik bilan harbiy nazoratga olish uchun Respublika Milliy Bolivar Qurolli Kuchlarini butun mamlakat bo‘ylab safarbar qilish bo‘yicha maxsus vakolatlar” beradi.
Hujum sodir bo‘lgan taqdirda fuqarolar xavfsizligini ta’minlash, harbiy qismlar va rezervchilarni chaqirish, quruqlik, dengiz va havo chegaralarini himoya qilish, mamlakat hududiy yaxlitligini ta’minlash, aholini himoya qilish bo‘yicha ham rejalar amalga oshiriladi, dedi ijrochi vise-prezident.
Toshkent viloyatida poyezd relsdan chiqib ketdi
Netanyaxuning nutqini O‘zbekiston ham boykot qilgan. BAA esa yo‘q
Ukraina dronlari Rossiyaning ikki yirik neft ob’ektlarini yo‘q qilib tashladi
