Janubiy Koreya prezidenti Seul AQSh va KXDR o‘rtasidagi potensial kelishuvga rozi bo‘lishga tayyorligini ma’lum qildi

Li Chje Myonning so‘zlariga ko‘ra, bu kelishuv doirasida Shimoliy Koreya yadroviy qurol ishlab chiqishni to‘xtatadi, lekin undan voz kechmaydi.

"Pxenyan har yili qo‘shimcha 15–20 ta yadroviy qurol ishlab chiqarmoqda. Bu vaziyatda to‘liq denuklearizasiya o‘rniga “vaqtinchalik favqulodda chora” sifatida yadroviy qurol ishlab chiqarishni muzlatish mantiqiy va real yechim bo‘lishi mumkin. Bu kelishuvga erilishsa, barcha tomonlar uchun manfaatli bo‘ladi", — dedi Janubiy Koreya prezidenti.

Ma’lumot uchun, Shimoliy Koreya 2022 yilda o‘zini “yadroviy davlat” deb e’lon qilgan. Pxenyanni yadroviy dasturdan voz kechishga majburlash urinishlar natija bermagan, KXDR 2019 yildan buyon rasman muzokaralarga qaytish chaqiriqlarini rad etib kelmoqda.