Bog‘chalarda 8 oyda 9 tonndan ortiq sifatsiz oziq-ovqat mahsuloti aniqlandi

Shu yilning 8 oyi davomida Sanepid qo‘mita jami 3554 ta bog‘chada tekshiruv o‘tkazdi.

Natijalarga ko‘ra:
🔸8122 ta tayyor ovqat namunasidan 323 tasi me’yorga javob bermadi;
🔸4461 ta ichimlik suvi namunasidan 237 tasi talabdan past chiqdi;
🔸4 986 ta ovqat namunasidan 878 tasi to‘yimsiz chiqdi;
🔸12 301 ta sabzavot namunasidan 257 tasida nitrat me’yoridan ortiq;
🔸2321 ta tuz namunasidan 718 tasida yod yetishmasligi qayd etildi.

Shuningdek, bu davrda 446 nafar xodim tibbiy ko‘rikdan o‘z vaqtida o‘tmagani uchun ishdan bo‘shatilgan va 110 ta muassasa vaqtincha yopilgan.