Rossiya vise-premyeri Aleksey Overchuk kelasi haftada Armaniston poytaxti Yerevanga xizmat safari bilan boradi. U yerda u Armaniston bosh vaziri Nikol Pashinyan bilan uchrashishi kutilmoqda. Safarning maqsadi — Yevroosiyo iqtisodiy ittifoqi huquqlarining Armaniston tomonidan buzilishi va Janubiy Kavkaz mintaqasida kommunikasiyalarni ochish masalalarini muhokama qilishdir.
Overchuk jurnalistlarga shunday dedi:
«Kelasi haftada men Yerevanga uchaman. Bu safar oldindan rejalashtirilgan edi, Altaydagi uchrashuvda kelishib olingan. Safar sababi — Armaniston qonunchilik tizimida Yevroosiyo iqtisodiy ittifoqi huquqiga zid bo‘lgan hujjat — hukumat qarorining qabul qilingani.»
Uning ta’kidlashicha, Yerevanda Pashinyan bilan Janubiy Kavkazdagi kommunikasiyalarni qayta ochish bo‘yicha nozik masalalar muhokama qilinadi.
«Kelasi hafta oxirida mening azerbayjonlik hamkasblar bilan ham uchrashuvim bo‘ladi. U yerda ham shu masalalar ko‘rib chiqiladi. Demak, harakat bor», — dedi Overchuk.
Bu uchrashuv Rossiya hududida o‘tkazilishi rejalashtirilgan.
Overchuk, shuningdek, Nikol Pashinyan yaqin vaqtda yana Rossiyaga tashrif buyurishi kutilayotganini ma’lum qildi:
«Nikol Vovayevich ikki hafta oldin Rossiyada bo‘lgan edi, yaqin vaqtda uni yana mehmon qilib kutib olamiz.»
Rossiyaning Kavkazdagi diplomatik faolligi AQSh prezidenti Donald Tramp vositachiligida 8 avgust kuni Vashingtonda Armaniston va Ozarbayjon o‘rtasida tinchlik munosabatlari to‘g‘risida deklarasiya imzolanganidan so‘ng faollashdi.
Ikki mamlakat tashqi ishlar vazirlari tinchlik shartnomasini parafirlashdi va muvofiqlashtirilgan matnni tasdiqlashdi. Deklarasiyada mintaqada kommunikasiyalarni ochish va Armaniston orqali Ozarbayjonning Naxchivon eksklavi bilan bog‘lanishini ta’minlaydigan transport koridorini yaratish muhimligi qayd etilgan.
Qarshida 150 nafar yo‘lovchili samolyot g‘oyib bo‘ldi
Xitoyliklar ayol o‘rnini bosa oladigan robot ixtiro qildi
AQSh Rossiyaga qurol-yarog‘ bo‘yicha kelishuvni muzokaralar uchun "rag‘bat" sifatida taklif etishi mumkin
