Chinoz tumanida “Kia Sonet” va “Cobalt” to‘qnashdi

Chinoz tumanida sodir bo‘lgan yo‘l-transport hodisasi yuzasidan ma’lumot berildi.

✅ Joriy yilning 6 avgust kuni soat taxminan 08:00 larda Toshkent viloyati Chinoz tumani hududidan o‘tgan M34 "Toshkent-Dushanbe" avtomobil yo‘lining 28-kilometrida bir yo‘nalishda harakatlanib kelayotgan, “Kia Sonet” va “Cobalt” rusumdagi yengil avtomobillarning to‘qnashuvi oqibatida yo‘l-transport hodisasi sodir bo‘lgan.

✅ Hodisa oqibatida “Cobalt” avtoulovida bo‘lgan 1990 yilda tug‘ilgan yo‘lovchi tan jarohati olib shifoxonaga murojaat qilgan.

✅ Holat yuzasidan Chinoz tumani IIB xodimlari tomonidan surishtiruv ishlari olib borilmoqda.