Kiyevda korrupsiyaga qarshi kurashuvchi organlar mustaqilligini cheklovchi qonunga qarshi norozilik namoyishlari davom etmoqda

Nashr muxbirining so‘zlariga ko‘ra, bu 2022 yilda Rossiyaning Ukrainaga keng ko‘lamli bosqini boshlanganidan ilk marta o‘tkazilayotgan norozilik namoyishlari hisoblanadi. Bunday norozilik aksiyalari Ukraina bo‘ylab boshqa ko‘plab shaharlarda ham bo‘lib o‘tmoqda.

Ukraina Oliy Radasi bahsli qonunni 22 iyul kuni qabul qildi, va ko‘p o‘tmay uni prezident Volodimir Zelenskiy imzoladi. Ushbu qonunga ko‘ra, Korrupsiyaga qarshi kurash milliy byurosi (NABU) va Korrupsiyaga qarshi maxsus prokuratura (SAP) faoliyatiga bosh prokuror aralashishi mumkin bo‘ladi.