AQShdagi qariyalar uyida sodir bo‘lgan yong‘inda 9 kishi halok bo‘ldi, deb xabar bermoqda ABC News.
Yong‘in Massachusets shtatida joylashgan Gabriel House qariyalar uyida sodir bo‘ldi.
Dastlabki ma’lumotlarga ko‘ra, fojiada 9 kishi halok bo‘lgan, 30 kishi jarohat olgan. Ular orasida 5 nafar yong‘in o‘chiruvchi ham bor.
Yong‘inga ehtimolan elektr yoki mexanik nosozlik sabab bo‘lgan. Qasddan yoqilgani bo‘yicha ma’lumot yo‘q.
Shuningdek, binoda yong‘in o‘chirish tizimi ishlagan-ishlamagani hozircha aniq emas.
