Eronda Isroil razvedkasi bilan aloqador agent qo‘lga olindi

Eronning g‘arbida joylashgan Hamadon viloyatida Isroil tashqi razvedka xizmati — "Mossad" bilan aloqador shaxs qo‘lga olindi. Bu haqda FARS agentligi Islom inqilobi qo‘riqchilari korpusi (IRGC) matbuot xizmatining ma’lumotiga tayanib xabar berdi.

Nashrga ko‘ra, ushbu shaxs Eronning harbiy va xavfsizlik markazlari xodimlari to‘g‘risida ma’lumot to‘plagan, va bu ma’lumotlarni chet el razvedka xizmatlariga yetkazishni rejalashtirgan.

IRGC elita qismlari tomonidan amalga oshirilgan operasiya davomida agent aniqlangan va to‘xtatilgan. Hozirda tergov ishlari davom etmoqda.

Eron rasmiylari hodisa yuzasidan hozircha qo‘shimcha ma’lumot bermagan. Bu hibsga olish yaqindagi mintaqaviy ziddiyatlar va xavfsizlik muammolari fonida yuz bermoqda.