Isroil harbiylari 24 soat ichida G‘azodagi 130 ga yaqin nishonga hujum qilganini ma’lum qildi

Isroil armiyasi butun G‘azo sektoriga tizimli ravishda zarba berishda davom etmoqda.

Bu haqda armiya matbuot xizmati xabar berdi.

Ma’lumotlarga ko‘ra, so‘nggi 24 soat ichida Isroil harbiy-havo kuchlari quruqlikdagi qo‘shinlar bilan kelishilgan holda u yerdagi “130 ga yaqin” nishonga hujum qilgan. Maqsadlar orasida Falastin radikallarining turli harbiy infratuzilma ob’ektlari, jumladan, qo‘mondonlik punktlari, qurol-yarog‘ omborlari va raketa otish moslamalari bo‘lgan. Ayrim qurolli radikallarga qarshi ham zarbalar uyushtirildi.

Xabarda aytilishicha, quruqlikdagi bo‘linmalar butun hudud bo‘ylab - janubda ham, Xon-Yunis va Rafah hududida ham, shimoliy qismida ham, jumladan G‘azo shahri yaqinida reydlar o‘tkazmoqda.

"Isroil mudofaa kuchlari Isroil davlatidagi tinch aholiga har qanday tahdidni bartaraf etish uchun harakat qilmoqda", dedi harbiylar.